स्वप्नपुर्ती झाली

मी साधारण ६ वर्षाचा असेन तेंव्हा माझ्या गावामध्ये एक आणि एकच T.V. होता त्यावेळी आम्ही २५ पैसे देऊन "रामायण" ही मलिका पाहत असू. हळूहळू सुधारणा होत गेली आणि गावात लोकांकडे T.V. येऊ लागले. मी आता T. V. वरचे मराठी, हिन्दी चित्रपट पाहू लागलो होतो.

मी आता साधारण १० वर्षाचा झालो होतो तेंव्हा मनाशी एक स्वप्न पाहिले, की मीही एक दिवस, एकातरी T. V. सीरियल मध्ये, एकदातरी कलाकार म्हणून काम करणार. आणि माझी ती इच्छा, ते स्वप्न अखेर २० फेब्रुवारी , २००९ रोजी 'E T.V. मराठी च्या "क्राइम डायरी" या मलिकेमधुन साकार झालं।

लहानपणी पाहिलेले स्वप्न अखेर पूर्ण झालं

ज्यांनी ही मलिका पाहिली असेल त्यांनी प्लीज आपल्या प्रतिक्रिया मला कळवाव्यात ज्याचा मला भविष्यात उपयोग होईल।

तू भेटल्यापासून

तू भेटल्यापासून मी स्वत:ला बदलत होतो,
तू असतानाही मी स्वत:लच विसरत होतो.

तू भेटल्यापासून माझी नजर मलाच शोधत होती,
तुझ्याकडे पाहून माझ्या आकांक्षा वाढवित होती.

तुझ्या भेटीने बदलले मीही स्वत:ला,
मग मात्र माझ्या आनंदाला पारावार नाही उरला.

तू भेटल्यापासून चांगल्यावाईटातला फरक कळू लागला,
काहीतरी चांगले कमावल्याचा आनंद मिळू लागला.

तू भेटल्यापासून मला जीवनाची नवी उमेद मिळाली,
जगण्याचीच नव्हे तर तुझ्यासाठी मरण्याचीही रित कळाली.

तू भेटल्यापासून माझे आयुष्यच बदलत गेले,
आयुष्य काय असते हे तर तूच पटवून दिले.

तू भेटल्यापासून जीवनात चढ़-उतार चालू होता,
तू दुरावल्यापासून आठवणींचा डोंगर उभा राहिला होता.