“आई”

अन जाणीव झाली आई तू भेटल्याची
तू सोबत नसूनही सोबत असल्याची
रात्री झोपताना तू थोपटल्याची
अंगाई गीत गात असल्याची । । अन जाणीव .......

झोपेत मला कुशीत घेतल्याची
अंगावर पदर टाकून झोपवल्याची
सकाळी उठवताना प्रेमाने मारलेल्या हाकेची
शाळेत जाताना विरहाची अन परत आल्यावरच्या भेटीची । । अन जाणीव .......

बानं बदडल्यावरच्या तुझ्या मिठीची
अन शांत करणारया तुझ्या सांत्वनाची
स्वप्नात पाहिलं तुला मी
अन जाणीव झाली आई तू भेटल्याची । । अन जाणीव ......

जागा होऊन पाहतो तर उशी सरकल्याची, अंथरून विस्कटल्याची
अन तरीही जाणीव झाली आई तू भेटल्याची.......... 

-सुनिल जगदाळे